لحظة ضوه

من طرف ahmed الإثنين يوليو 26, 2010 9:26 pm

بعيونك آنه ابتدي .. من جنت أكتب شعر

هسه أنته عني رحت .. القلم كَلبه أنكسر

وانكَطع راس الشطر

وشهكَت شهكَة جرح .. مات وحياه النزف
وسنيني صارت سفن .. تمشي ويه ريح الهجر
ونذرت لو ثانية .. بعيوني طيفك يمر
لجدام طيفك بدي .. اذبح سنين العمر
وتانيته طيفك يجي .. واحجيله عما جرى
واحجيله اجمل خبر ؟
اعيوني ذني الكَبلّ .. مآواك بس للأسف
صارن محطة سهر ,
والشوف وديته الك .. بأول محطة عثر
شتلكَاني لمن ترد .؟
تلكَاني دمعة حلم .. وبصفهه خطوة سفر
لخطوات خدك أمس ..
اظلوعي صارت جسر .. ويتمشه خدك همس
يامن جنتلي كَبلّ ..
كَمرة حياتي وأسف .. باكَوك مني غفلّ؟
مشتاكَ لك مو نفس ..؟
عالنفس عندي الصور ..
مشتـــــــــــــــاكَـ .. .. ماتنوصف
ماشفت بعدك صبح .. واهس ضحكتي جنت ..
ماجنت اضنك رمح
وبكَد لهفتي ألك .. صدكَني خضر جرح
حتى الشماته أيست ..
من جيتك ما تجي .. لجروحي جابوا دوه
وأنته المصيبة شمس .. وسنيني ظلمة اصبحت
داينّي لحظة ضوّه
من مشوا عنك هلك .. كَـلي انتهيت وكَلت
اعيوني ذني وطن
ومشكور ماقصرت جازيتهن بالسهر ..
ربيتك اعله الجتف .. طير وصعدت السما
والطير مهما عله .. لا ينسى فضل الغصن
نايل كتبت وعجز .. نصاري صار الوزن
هسه آنه أكَلك لأن ؟؟

زرعت حبك بكَلبي وخضر أوعود

وشيَب راس شهرك وانته ماجيت
تهجرني لأجل رغباتك شبيك
ولأجل جيتك باعز جروحي ضحيت
عطشانه القصــيده تريد لحظات
من شوفك تجي وتكمل البيت
دليلي لا تظن شامت مثلمــــــــــا
بكلام وجرحه َ هل ينزف مثلمـــــــا
كلشي يهون بس أرجع مثلمــــــــا
جنه أحباب نتوالف سويه
محتاجك أحلام أتكحل العين
شيخسرك أذا بحلامي مريت
شحيت بوصالك كَتلك تهون
بس كََلي بطيوفك ليش شحيت؟
جفيت وراح كل الشعر وصيت
وياك وراح مني النضر وصيت
رحلت سهله برحيلك ليش وصيت
طيوفك ماتمر بالنوم اليه؟
بنص كَلبي الك ماتعرف شصار
ثوره أمن المشاعر يوم المشيت
مثل أم أفكَدت أولاد بالعيد
صدكَني أعله فكَدك هيج ونيت
من تعطش جنت أرويك بدموع
(أنشدك من عطشتك ليش ماجيت)
تعال وشوف بيه شسوه الفراك َ
من كَد السهر ما ظلت أعيون
أترجه بصورك تحجي وياي
ونحر عيني كَطعته بسيف الضنون
أفكر ما أفكر بيك مرات
أذا أنته الفكر مافكر شلون
بزنزانة اعيوني أحبست الأدموع
بس ذكرك أجه دكَ باب الجفون
واظل ابجي بهمس لو مرني ذكراك
أخاف من الشماته لا يسمعون
ماريدك تردلي وانته ندمان
اريدن جيتك مثل اليردون
صح شاعر أنه بس أنته موضوع
النجوم ابلا سمه ما ضنتي تفيد
تعال وخل نرجّع ذيج الأيام
وخل نمشي سويه الأيد بالأيد
تعال أيامي صارت كلهه رمضان
جا يمته تجي وتجيبلي العيد
؟.؟؟.؟.